weekly report 1

5/12/2022 തിങ്കളാഴ്ച

 ഇന്ന് ആദ്യമായിട്ടാണ് അധ്യാപക വിദ്യാർത്ഥിയായ ഞാൻ അധ്യാപക പരിശീലത്തിനായി ചെറിയനാട് എസ് വി എച്ച് എസി ലേക്ക് എത്തിയത്.സ്കൂളിൽ എത്തിയ ഞങ്ങൾ ഞങ്ങൾ ആദ്യമായി അഭിമുഖീകരിച്ചത് സ്കൂൾ അസംബ്ലി ആയിരുന്നു. സ്കൂളിന്റെ പ്രവർത്തന സമയം തുടങ്ങുന്നത് 9:45നാണ്. പ്രഥമ അധ്യാപകൻ സ്കൂളിലെ എല്ലാ നിയമാവലികളും ഉൾക്കൊള്ളിച്ചുകൊണ്ടുള്ള ഒരു ബോധവൽക്കരണ ക്ലാസ്സ് നൽകുകയുണ്ടായി. ശേഷം കലോത്സവ വേദിയിൽ പ്രോത്സാഹന സമ്മാനം കിട്ടിയ കുട്ടികൾക്ക് അനുമോദന ചടങ്ങ് നടന്നു. അവരവർക്ക് അനുവദിച്ചിട്ടുള്ള ക്ലാസ്സുകളിലേക്ക് ഞങ്ങൾ പോയി. എന്റെ അന്നത്തെ ഗണിതശാസ്ത്രം ക്ലാസ്സ്‌ നടന്നത് അഞ്ചാം പീരിയഡ് ആയിരുന്നു. കുട്ടികളും ഞാനും പരസ്പരം പരിചയപ്പെട്ടു.അന്നേദിവസം ക്ലാസ് എടുക്കാൻ ഉദ്ദേശിച്ചിരുന്നത് വൃത്തങ്ങളും അളവുകളും എന്ന പാഠഭാഗമായിരുന്നു. വൃത്തത്തെപ്പറ്റി എന്തൊക്കെ അറിയാം വൃത്തത്തിന്റെ പ്രധാന ഭാഗങ്ങൾ എന്തൊക്കെയാണ് എന്നീ ചോദ്യങ്ങളിലൂടെ കുട്ടികളുടെ പാഠഭാഗത്തെക്കുറിച്ചുള്ള മുന്നറിവ് പരിശോധിച്ചു . ശേഷം വൃത്ത ഭാഗവുമായി ബന്ധപ്പെട്ട പുതിയ ഒരു പദംമായ " *പൈ* " കുട്ടികൾക്ക് പരിചയപ്പെടുത്തുക ഉണ്ടായി. പൈ യുടെ ടെ വില എന്താണ് എങ്ങനെയാണ് കണ്ടെത്തുക എന്നത് കൂട്ടുകളിലേക്ക് എത്തിക്കുവാൻ സാധിച്ചു. കൂടാതെ കുട്ടികളുടെ നേതൃത്വ പാടവം ഉയർത്തുന്നതിനായി ക്ലാസ്സിന് ലീഡർ എന്ന ആശയം ആവിഷ്കരിക്കുകയും ചെയ്തു. ഓരോ ദിവസവും ഓരോ കുട്ടി അന്നേദിവസം റോൾ നമ്പർ അനുസരിച്ച് ലീഡർആകണം എന്ന നിർദ്ദേശവും നൽകി. ഒരു ലീഡർ ചെയ്യുന്ന എല്ലാ ഉത്തരവാദിത്തങ്ങളും അതേ ദിവസം ഓരോ കുട്ടിയും ചെയ്യണമെന്ന് ഉള്ളതായിരുന്നു ഈ ആശയത്തിന്റെ പ്രധാനപ്പെട്ട ഉദ്ദേശം. ശേഷം കുട്ടികൾക്ക് അന്നത്തെ പാഠഭാഗമായി ബന്ധപ്പെടുന്ന ചെറിയ പ്രവർത്തനങ്ങൾ നൽകുകയും കുട്ടികളുടെ പാഠഭാഗത്തെക്കുറിച്ചുള്ള പ്രതികരണം പരിശോധിക്കുകയും ചെയ്തതിനു ശേഷം അന്നത്തെ ക്ലാസ് അവസാനിപ്പിച്ചു.

  6 12 22 ചൊവ്വാഴ്ച

അധ്യാപന പരിശീലനത്തിന് രണ്ടാം ദിവസമാണ്. പതിവുപോലെതന്നെ ഒൻപത് ഇരുപത്തഞ്ച് സ്കൂൾ മൈതാനത്തിൽ എത്തി. ശേഷം രജിസ്റ്റർ ഒപ്പുവച്ചതിനുശേഷം നടന്നു. ചെന്നിരുന്നപ്പോൾ തന്നെ അന്നത്തെ ദിവസത്തെ വൺഡേ ലീഡർ എന്റെ കസേരയുടെ അടുത്ത് കണക്കിന്റെ ബുക്കുമായി വന്നു. അന്നത്തെ ദിവസത്തെ വൺഡേ ലീഡർ ആ കുട്ടിയെന്ന് എന്നെ ഓർമ്മപ്പെടുത്തി. അന്നത്തെ എന്റെ ദിവസം ആറാമത്തെ പിരീഡ് ആയിരുന്നു . കഴിഞ്ഞ പാഠഭാഗവുമായി ബന്ധപ്പെട്ട മുന്നറിവുകളെ പരിശോധിച്ചതിനുശേഷം വൃത്ത ഭാഗത്തിന്റെ പ്രധാനപ്പെട്ട ആശയമായി ചുറ്റളവും പരപ്പളവും എന്താണെന്ന് കുട്ടികൾക്ക് പറഞ്ഞു മനസ്സിലാക്കിക്കുവാൻ അതിനായി ഞാൻ പലതരത്തിലുള്ള മാതൃകകൾ ഉപയോഗിച്ചു . കുട്ടികളെക്കൊണ്ട് സ്വയം കണക്കു ചെയ്യിപ്പിക്കുന്ന രീതിയിൽ, കുട്ടികൾ സ്വയം കണ്ടെത്തുന്ന രീതിയിൽ, അധ്യാപകൻ സഹായിക്കുന്ന രീതിയിൽ ഇങ്ങനെ പലതരത്തിലുള്ളമാർഗ്ഗങ്ങളാണ് ഞാൻ അധ്യാപകൻ ഉപയോഗിച്ചത് കുട്ടികളുടെ സജീവമായ പ്രവർത്തനം മൂലം കുട്ടികൾക്ക് ആശയം വളരെ പെട്ടെന്ന് തന്നെ മനസ്സിലാക്കാൻ സാധിച്ചു. ബുക്കിൽ എഴുതുന്ന സമ്പ്രദായത്തിൽ നിന്ന് കുട്ടികൾ മനനം ചെയ്തു സ്വന്തമായി തന്നെ ആലോചിച്ചു പറയാനുള്ള പ്രവണത വളർത്തിയെടുക്കുകയും അധ്യാപകനായ ഞാൻ കുട്ടികളിൽ വളർത്തുകയുണ്ടായി. ശേഷം അതുമായി ബന്ധപ്പെട്ട ചെറിയ ചെറിയ പ്രശ്നങ്ങളെ കുട്ടികളെക്കൊണ്ട് സ്വയം ചെയ്യിപ്പിക്കുന്ന ശ്രമവും നടത്തി. പുറകോട്ട് നിൽക്കുന്ന കുട്ടികളെ മുന്നോട്ട് മുൻവിരിയിൽ നിർത്തുന്ന പ്രവണതയും സജീവമാകാത്ത കുട്ടികളെ സജീവമാക്കുന്ന രീതിയിലുള്ള പ്രവർത്തനങ്ങളും കുട്ടികളെ എല്ലാവരും ഉൾപ്പെടുത്തിയായിരുന്നു ക്ലാസ്സ്‌ മുറിയിലെ പഠന പ്രവർത്തനങ്ങൾ ഓരോന്നും നടത്തിയത് . കുട്ടികളുടെ സജീവമായ പങ്കാളിത്തം അന്നേദിവസം ക്ലാസ് മുറിയിൽ നിലനിന്നിരുന്നു. ഒപ്പം കുട്ടികളുടെ പഠന വിഷയത്തിൽ പോലെ തന്നെ അവരിലെ കലാവാസനയെ കഴിവുകളെയും വളർത്തുക എന്നത് അധ്യാപകന്റെ ധർമ്മമായി കണ്ട് അവരെക്കൊണ്ട് പാട്ടുപാടിക്കുകയും കഥകൾ പറയിപ്പിക്കുകയും ചിത്രങ്ങൾ വരപ്പിയ്ക്കുകയും ഉണ്ടായി. ശേഷം കുട്ടികളുടെ പഠന അറിവുകൾ വീണ്ടും പരിശോധിച്ചുകൊണ്ട് അടുത്ത ദിവസത്തെക്ലാസ്സ്‌ ലീഡർ ആരാണെന്നുള്ള ഓർമ്മപ്പെടുത്തലുമായി ക്ലാസ്സ്‌ അവസാനിപ്പിക്കുമ്പോൾ ഏതുതരത്തിലുള്ള സാഹചര്യത്തിലുള്ള കുട്ടിയേയും പഠിപ്പിക്കുന്നതിന് പ്രചോദനം നൽകുന്ന അധ്യാപകനാകണം എന്ന ആഗ്രഹം ഉള്ളതുകൊണ്ട് കുട്ടികളുടെ ഏത് അവസ്ഥയിലും അവരുടെ അറിവിന്റെ അടിസ്ഥാനാമായുള്ള പഠനപ്രക്രിയ കൂടുതൽ കുട്ടികളെ ആ പ്രക്രിയയിൽ സജീവമായി പ്രവർത്തിപ്പിക്കാൻ എനിക്ക് കഴിയും എന്ന് അന്നേദിവസം മനസ്സിലായി അടുത്ത ക്ലാസുകളിൽ ഈ സമീപന രീതി തന്നെ കുട്ടികളിൽ ഉപയോഗിക്കുവാൻ കഴിയും എന്ന വിശ്വാസത്തോടെ കൂടി അടുത്ത ദിവസത്തെ കാര്യങ്ങൾ കൃത്യമായി ഏൽപ്പിച്ചു മൂന്ന് മണിയോടുകൂടി തന്നെ ക്ലാസിനോട് വിട പറഞ്ഞു.

7/12/2022 ബുധനാഴ്ച

പ്രാദേശിക അവധി കാരണം സ്കൂളിന് പഠിപ്പ് മുടക്കമായിരുന്നു.

 8 /12 /2012 വ്യാഴാഴ്ച

 അധ്യാപന പരിശീലനത്തിന്റെ മൂന്നാം ദിവസം. അല്പം താമസിച്ചാണ് സ്കൂളിൽ എത്തിയെങ്കിലും ലീഡർ ഉത്തരവാദിത്വങ്ങൾ കൃത്യമായി ചെയ്തിട്ടുണ്ടായിരുന്നു. എന്റെ മേശപ്പുറത്ത് കുട്ടികളുടെ ബുക്കുകൾ കൃത്യമായി അടുക്കിവെച്ചിട്ടുണ്ടായിരുന്നു. അതിൽ ആരൊക്കെയാണ് വന്നിട്ടുള്ളത് ആരൊക്കെയാണ് ബുക്ക് വെക്കാത്തത് എന്നുള്ള കാര്യങ്ങൾ കൃത്യമായി രേഖപ്പെടുത്തിയിട്ടുണ്ടായിരുന്നു. അന്നേദിവസം ഗണിതശാസ്ത്രത്തിന്റെ പീരീഡ് അഞ്ചാമതായിരുന്നു. കഴിഞ്ഞദിവസത്തെ പഠനവിധേയമാക്കിയിരിക്കുന്ന സന്ദർഭങ്ങൾ പുതിയ സാഹചര്യങ്ങളിൽ ഉൾപ്പെടുത്തുക എന്നുള്ള ഉദ്ദേശത്തോടുകൂടിയാണ് ഞാൻ ക്ലാസ്സിൽ പോയത്. ഒരു പ്രശ്നോത്തരിയോടു കൂടിയാണ് തുടങ്ങിയത്. ഒരു തമാശരൂപത്തിന്റെ ബന്ധുക്കൾ ആയ മൂലകളാലാണ് വൃത്തത്തിന്റെ നിർമ്മിതിയെന്നും അങ്ങനെയെങ്കിൽ ആ വൃത്തത്തിന്റെ ചുറ്റളവും പരപ്പളവും എങ്ങനെ കണ്ടെത്താം എന്നുള്ളതായിരുന്നു ചോദ്യം.കുട്ടികളെ സമഷഡ്‌ഭുജം എന്ന ആശയം ഒന്നുകൂടി ഓർമ്മപ്പെടുത്തുകയുണ്ടായി. സമ, ഷഡ്‌ഭുജം എന്ന് രണ്ടു വാക്കുകൾ ചേർത്ത് എന്ന വാക്കിന്റെ അർത്ഥം രൂപപ്പെടുത്തി. ആ ആശയത്തിൽ നിന്ന് എങ്ങനെയാണ് വൃത്ത ത്തിന്റെ ചുറ്റളവ്, പരപ്പളവം കണ്ടെത്തുക എന്നുള്ള രീതിയും കുട്ടികൾക്ക് മനസ്സിലാക്കികൊടുത്തു . അതായത് വൃത്തത്തിന്റെ കേന്ദ്ര സ്ഥാനത്തുനിന്നും ഒരു വശത്തിന്റെ രണ്ട് അഗ്രങ്ങളിലേക്ക് വരയ്ക്കുന്ന രേഖ ആരായിരിക്കും എന്ന ചോദ്യത്തിൽ നിന്ന്, ഇങ്ങനെ രൂപപ്പെടുന്ന ചിത്രം ഒരു ത്രികോണമാണ് .ഈ ത്രികോണം ഒരു സമഭുജ ത്രികോണം കൂടിയാണ്. സമഷഡ്ഭുജത്തിന്റെ എല്ലാ വശങ്ങളും തുല്യമായതിനാൽ സമഭുജ ത്രികോണത്തിന്റെയും വശങ്ങൾ അതു തന്നെയാണ്. അതായത് വൃത്തത്തിന്റെ ആരമെന്ന് പറയുന്നത് സമഷഡ്ഭുജത്തിന്റെ ഒരു വശം തന്നെയാണ്. ശേഷം വൃത്തത്തിന്റെ പരപ്പളും ചുറ്റളവും കണ്ടെത്തുന്ന രീതി കൂടി പറഞ്ഞു കൊടുത്ത് അതുമായി ബന്ധപ്പെട്ട് മറ്റൊരു പ്രശ്നം കൂടി കുട്ടികൾക്ക് പ്രവർത്തനമായി നൽകുകയും ചെയ്തു.

9 /12 /2002 വെള്ളിയാഴ്ച

 അധ്യാപന പരിശീലനത്തിന്റെ നാലാമത്തെ ദിവസം. ഇന്നത്തെ ദിവസം ഗണിതശാസ്ത്രം അഞ്ചാം പിരീഡ് തന്നെയായിരുന്നു. കഴിഞ്ഞ ക്ലാസുകളിൽ ഉപയോഗിച്ച എല്ലാ മാതൃകാ രീതികളും എന്റെ മനസ്സിൽ കൂടി കടന്നു പോവുകയുണ്ടായി. കാരണം പുതിയ ഒരു ഭാഗം പഠിപ്പിക്കുമ്പോൾ പുതിയതായി കുട്ടികളിൽ പല കാര്യങ്ങളും വളർത്തിയെടുക്കേണ്ടതായിട്ടുണ്ട്. ആയതിനാൽ അന്ന് പഠിപ്പിക്കുന്ന ആശയം വൃത്താംശമാണ്. പഴയ കാര്യങ്ങൾ ഉപയോഗിച്ചുകൊണ്ട് പുതിയ കാര്യത്തിൽ എങ്ങനെ എത്തിച്ചേരാൻ കഴിയും അതിന് ഉപയോഗിക്കുന്ന മാതൃക രീതി ആലോചിച്ചു കൊണ്ടാണ് ക്ലാസ് മുറിയിലേക്ക് കടന്ന് ചെന്നത്. അതിനായി ഒരു കടലാസിൽ വൃത്താകൃതിയിൽ ഒരു കഷണം പേപ്പർ എടുത്തു. ശേഷം അതിനെ തുല്യ ഭാഗങ്ങളാക്കി മടക്കി. ഇതിന് അർദ്ധവൃത്തം എന്ന് പറയുമെന്ന് ഓർമപ്പെടുത്തി. എന്നാൽ അതിനെ വീണ്ടും മടക്കുകയുണ്ടായി. ആ ഭാഗത്തിന് എന്ത് പേര് പറയും എന്ന് ചോദിച്ചപ്പോൾ കുട്ടികൾക്ക് ആകെ പരിഭ്രമം ആയിരുന്നു . എന്നാൽ വളരെ ലളിതമായി വൃത്തത്തിന്റെ ഒരംശമായതിനാൽ അതിനെ എന്തുപറയുന്നു വൃത്താംശം എന്ന് പറയുന്നു എന്ന് പറഞ്ഞുകൊടുത്തു. കുട്ടികൾക്ക് വളരെ കൃത്യമായി അത് മനസ്സിലായി എന്ന് എനിക്ക് മനസ്സിലായി. കാരണം കുട്ടികൾ സ്വന്തമായി തന്നെ ചിത്രങ്ങൾ ബുക്കുകളിൽ വരച്ച് വൃത്താംശത്തെ കാണിക്കുന്നു. ശേഷം വൃത്താംശത്തിന്റെ പ്രധാന ഭാഗങ്ങൾ ഒന്നുകൂടി ഓർമ്മപ്പെടുത്തൽ ഉണ്ടായി. രണ്ട് ആരങ്ങൾ ഒരേ കോണളവിൽ മാറുമ്പോൾ കിട്ടുന്ന രൂപമാണ് വൃത്താംശം എന്ന് ഓർമ്മപ്പെടുത്തി. അതിനുശേഷം വൃത്താംശം എന്ന ആശയം പഠിക്കുന്നത് എന്തിനാണ് എന്ന് ഓർമ്മപ്പെടുത്തുകയുണ്ടായി. തുടർന്ന് വൃത്താംശത്തിന്റെ ചാപത്തിന്റെ നീളം, വൃത്താംശത്തിന്റെ പരപ്പളവ് എങ്ങനെ കണ്ടെത്താം എന്ന് പറഞ്ഞു നൽകി. അതായത് വൃത്താംശത്തിന്റെ ചാപനീളം എന്ന് പറയപ്പെടുന്നത് വൃത്തത്തിന്റെ ആകെ കോണളവ് 360 ഡിഗ്രിയാണ് അതിൽ x ഡിഗ്രി ഭാഗമാണ് മുറിച്ചുമാറ്റുന്നത് അതായത് ചാപ നീളം കണ്ടെത്തുന്നതിനായി വൃത്തചുറ്റളവിന്റെ 360 ഡിഗ്രിയുടെ x ഡിഗ്രി ഭാഗമായിരിക്കും എന്ന് ഓർമ്മപ്പെടുത്തി. എന്നാൽ വൃത്താംശത്തിന്റെ പരപ്പളവ് എന്ന് പറയപ്പെടുന്നത് വൃത്ത പരപ്പളവിന്റെ 360ൽ x ഡിഗ്രി ഭാഗമാണ്. ശേഷം കുട്ടികളെക്കൊണ്ട് സമവാക്യം രൂപീകരിക്കാൻ കുട്ടികളുടെ സജീവ പങ്കാളിത്തം ഉൾപ്പെടുത്തിയിരുന്നു. തുടർന്ന് അടുത്ത ദിവസത്തെ ലീഡറിനോട് കാര്യങ്ങൾ ബോധ്യപ്പെടുത്തുകയും ഉണ്ടായി. ശേഷം അന്ന് പഠിപ്പിച്ച പാഠഭാഗങ്ങളും പഠിച്ച ഭാഗങ്ങളും ഓർമ്മയിൽ ഉണ്ടോ എന്ന് പരിശോധിക്കുകയും ചെയ്തു. അന്ന് പഠിച്ച പാഠഭാഗത്തിന്റെ ചെറിയ രീതിയിലുള്ള പ്രവർത്തനങ്ങൾ കുട്ടികളെക്കൊണ്ട് ചെയ്യിപ്പിക്കുകയും ചില ചോദ്യങ്ങൾ ചെയ്തു കൊടുക്കുകയും ചെയ്തിരുന്നു. തൽഫലമായി പാഠഭാഗത്തിന്റെ ആശയം കുട്ടികളിൽ നിലനിൽക്കുകയും പുതിയ സന്ദർഭം വരുമ്പോൾ എങ്ങനെ ചെയ്യണം എന്ന് ഓർമ്മപ്പെടുത്തുകയും ചെയ്തു. ശേഷം 2:25 ന് ക്ലാസ് മുറിയോട് വിട പറഞ്ഞു